انا احتاجك بكثر الذي تتصوره بيكون
انا غيمة سما من بعدك اتعلّت بكل هيام
وانا في غيبتك ماعاد شفت ان الزمن مأمون
اعيش بدنيتي ضايع ومتحطم من الأحلام
فقدت الشوق واللهفة وحب بخاطري مجنون
عساها تعود ايام العشق لو عادت الأيام
ولو قالو عن الحب الحكايا كلها بـ تهون
زمان اول تراالمعشوق يكتبها قبل لاينام
وحب المصلحة والمال ماهو حب عالقانون
يبادلك الوفا , يهتم , لكن اهتمام اوهام
وهذا هو قصيدي بكتبه متوازن وملحون
اجر بصوتي القلطة واجر بداخلي آلام
ترا اوجاع هالدنيا فراق الخِل والطاعون
وباقي مايصير بدنيتك من لوعة الأرحام
ترا مايعوض غيابك ولاواحد بهذا الكون
ومافي شي بالدنيا يسمونه غيابن تام
كلماتي
محمد ناصر العليان
