تطري بقلبي لوعة أيام وأشواق
لحظة بغمضة عين والشوق يواريك
وتغيب عن عالمك والنبض خفّاق
وتسج في صفحة من احوال ماضيك
تعيش اصدق حب واحساس ينطاق
وشعور منهو دوم بالوصل يناديك
وقلوب من حولك على العهد تنساق
عهد الوفا بالنفس ماهي تخليك
عاش البساطة رغم دمعه بالأحداق
غارق بهمّه، بس بهمّك يواسيك
واليوم عصر العولمه قفلة اخناق
وسود النوايا لأقرب الناس يقفيك
هذا زمان الي يعاملك بنفاق
لجل المصالح يهتويك ويخاويك
وان ملّ يستبدلك وبقمة اخلاق
كن العلاقة شي من بيع وتمليك
ياحظ طيرن حر في ساعة اشراق
فوق السما هيبة على هالمماليك
ناوي لديرة عالم الناس الاذواق
وامسى بقيدن مثقلن بالمشابيك
هذي نهاية مرخصك دون ميثاق
غرقان في دنيا الهوا بالمهاليك
يرتاح ظنه بالسما لا رقا اعماق
لا مادرى هي بالقناعة بترضيك
ترا المحبة مثلها مثل الارزاق
أحدن تجيه وغيره بنفسه ايجيك
كلماتي
محمد ناصر عليان
