- يا آخر فراق -
يا آخر فراق تبكي لجله عيوني
ويا أول فراق حسيت انّي بحالي
يا نور هالبيت لو غمّضتها جفوني
وش لي بعينن بتفقد شوفة الغالي
كل الحروف الي في اسمك ينادوني
وانتي وغبتي واسمك باقي فـ بالي
اذكر لك ايام لو ماخابت ظنوني
هي خيرة أيام عمري أوّل وتالي
واذكر وصاياك لاهاجت بي طعوني
كنتي دواها وكنتي بلسمي العالي
غبتي، وثارت مع غيباتك شجوني
ادعي لك الله في حلّي وترحالي
فرقاك ماهي مع الايام بـ تهوني
فرقاك زادت على جرحي وأغلالي
لويكتب الله لجلك وصل مضموني
جتنا رسالة يها من ضمن الاقوالي:
"في جنّة الله ياعيالي بتلقوني
وتقبّل الله منّي كل أعمالي"
حفيدها
الشاعر/ محمد ناصر عليان
