(( خانقتني العبرة ))
خانقتني العبرة بصدري ولدري كيف ابكي
قمت اودعكم واخفي دمعتن تجري بخدّي
لو بودّي ما تقفيتوني و أنا المهبّي
من بعد فرقاكم وعيّا عليّ وقتي يعدّي
راس مالي, عمري. وكل الدوا. انتو وطبّي
وان بكيت ابكي ولحدن في رثا حالي يهدّي
ياهلي ياعزوتي يا بسمتي يا كل فرحي
ياحزامي لا التوا فيني الزمان المستجدّي
الوفا يابوي وينه والأمان الي فقدته
وامي وذاك الحنان وطيبتن من قلب وردي
وجدتي بيت السعادة والسرور الي احتوانا
كلهم , بغيابهم , حسيّتها دنياي ضدّي
سمّح الله الدروب الي على الفرقا لوتنا
وردّك الله يالذي غايب وفي لقياك سعدي
كلماتي
محمد ناصر العليان
ليست هناك تعليقات:
إرسال تعليق