ياسحابة غيم أجمعها على محجر عيوني
سيّلت دمعن وكنه بين هالرمشين سيل
هيّجت طوفان حزني فيّضت مافي جفوني
بعثرت كل المواجع ، كنّها جنحان ليل
بيّحت ما بالحشا من ضيقة الصدر وطعوني
طعنتن بين الضلوع ، وشفت منها كل ويل
صرت اهوجس بالأماني بعدما خابت ظنوني
صرت أداوي علّتي وامسي وانا باقي عليل
صرت لا ناديتهم ، من الشقا ماجاوبوني
وان نويت امشي لهم تعاجلوني بالرحيل
وش بقا لي ياسحابة بعدما جفّت مزوني
وش يعيد الي تهاوى في ظلام المستحيل
سامحيني يا سحابة لو تهاوت بي متوني
انتظرت اجمع دموعي ، عيّت عيوني تشيل
كلماتي
محمد ناصر العليان
21فبراير2019م
ليست هناك تعليقات:
إرسال تعليق