يلي تعيد اعذار وتزيد اعذار
وناوي بعد كل العذر انك تروح
وش لك على كل التعب لجل مشوار
دربك ومن آخره واضح ومفضوح
الشوق واللهفة مثل شبّة النار
لكن ترا لا طوّل الوقت بتروح
معاد يفيد الودّ والقلب محتار
معاد يفيد الوصل لاصرت مجروح
سنين مرّت اتعبت فيه الانظار
حتى النظر من بعدها صار ممسوح
انا عطيتك قلبي برخص الاسعار
وانت الذي رديّته القلب مذبوح
وفي خيالي ارسمك دون أحبار
من زاوية عيني اناظرك بوضوح
وانت الذي لو ترسم الي معي صار
قلبن على زيف الورق عالق بلوح
خلاص كل الي على خاطري طار
والصبر من كثر العنا صار منزوح
جف الورق وش عاد باقي بالاعمار
ياكثر ما سليّت باوراقي الروح
محمد ناصر العليان
ليست هناك تعليقات:
إرسال تعليق