هذه كلماتي رثاء
في والدنا محمد إبراهيم السبيعي
على ذِكْر الفقيد اللي ذَخَرْت دموع لفراقه
انا في ليلة الفرقا وبيّح كل دمعاتي
نزف في خاطري حبر القلم من طول إطراقه
كتب شوقن تزاحم به سطوري كل صفحاتي
ترك فيني شعور الي يتوه بزحمة اشواقه
وكل ماجاب لي ذكرى أواسيها بآهاتي
ابوي الي طوا الدنيا ، وتتعب همّته ساقه
كتب قصة كفاحه ثم بناها بداخلي وذاتي
دروس المجد ابكتبها ودمعي حار باحداقه
على راس المعالي رفرفت بإيديه راياتي
يِحِبّ الخير ولجل الخير دايم روح سبّاقه
واذا منه عطا يعطي عطا ما هزّه الآتي
تربّيت المراجل مثل شمسن طال اشراقه
على روحه ابدعي ربي المعطي سؤالاتي
عساك بصحبة محمد نبي الله ورفاقه
وفي جناته الفردوس غاية كل غاياتي
