قصيدة مرثية في وفاة جدتي رحمة الله عليها
اه من حزن بدا في داخلي زاد الجروح
... صيحةٍ قضّت منامي واتركتني في فزوع
في وفاة ام
الغلا ام الصدر دايم شَروح
... عمرها كله قضته في سجود وفي ركوع
قلبها متعلقن بالله تسبيحن لحوح
... نورها والرحمة بأرجاء هالبيت الفجوع
دايماً مع ربها متسامحة كل السموح
... همها مرضاة ربٍ دايمٍ له في خشوع
لسانها في ذكر الله كالعطر دايم يفوح
... و قلبها هوكل ساس الطيب أغصان وزروع
بعيونها كل المحبة والوفاء دايم يلوح
... و بقلبها تكتم وجعها آه من ذيك الوجوع
تذرف الدمعة اذا صار القهر زاد الجروح
... في وجهها تلقى ابتسامة قلبها الصافي القنوع
يالله ترزقها جنانٍ وارفة بأعلى الصروح
وفي قبرها وسّع عليها ونوّره بنور الشموع
كلمات / محمد ناصر العليان
ليست هناك تعليقات:
إرسال تعليق