لوعة أيام

تطري بقلبي لوعة أيام وأشواق

لحظة بغمضة عين والشوق يواريك

وتغيب عن عالمك والنبض خفّاق

وتسج في صفحة من احوال ماضيك

تعيش اصدق حب واحساس ينطاق

وشعور منهو دوم بالوصل يناديك

وقلوب من حولك على العهد تنساق

عهد الوفا بالنفس ماهي تخليك

عاش البساطة رغم دمعه بالأحداق

غارق بهمّه،  بس بهمّك يواسيك

واليوم عصر العولمه قفلة اخناق

وسود النوايا لأقرب الناس يقفيك

هذا زمان الي يعاملك بنفاق

لجل المصالح يهتويك ويخاويك

وان ملّ يستبدلك وبقمة اخلاق

كن العلاقة شي من بيع وتمليك

ياحظ طيرن حر في ساعة اشراق

فوق السما هيبة على هالمماليك

ناوي لديرة عالم الناس الاذواق

وامسى بقيدن مثقلن بالمشابيك

هذي نهاية مرخصك دون ميثاق

غرقان في دنيا الهوا بالمهاليك 

يرتاح ظنه بالسما لا رقا اعماق

لا مادرى هي بالقناعة بترضيك

ترا المحبة مثلها مثل الارزاق

أحدن تجيه وغيره بنفسه ايجيك

كلماتي

محمد ناصر عليان

يا اريش العين

بالله قل لي ياريش العين وش فيك

على الذي حبك وهو دوم مغليك

ابطيت في صدك وطوّل مجافيك

ليش التمادي بوصل من كان يبغيك

حتى دموع العين بالوصل تبكيك

والقلب قد شحّت علومه بطاريك

وانت الذي تماديت وعاديت شاريك

نسيت من في ضيقتك دوم يواسيك؟

بعت الغوالي لجلك ولجل أرضيك

حاربت  سلهام الفكر لو يعاديك

سهم الوصل لاطار ماعاد لد فيك

بالهجر كنت تقول ناسيك ناسيك

تعبت انا اعذرك وتعبت اجاريك

حرّمت دروبن في المحبة تناديك

كلماتي

محمد ناصر العليان

[ اوراق البلوت ]

 [ اوراق البلوت ]

جاني يبي يعوّد لأول يشفي بقلبه جراح

مشتاق لايام البساطة حن صدره لانشراح

ماشفت انا غير الكلام وكثرة اقوال و وعود

لاماجنيت بدنيتي غير اكتم الغصة بصياح

سنين كنا بالهوى وانت الذي مني ارتويت

رضيت بك قمت ارتمي لك رمية اعواد الرماح

وصرت خاتم في يدينك ، صرت اوراق البلوت

حتى استويت بلعبتك ، اتعبتني ليل وصباح

هجرتني دوّرت غيري، ثم ترجع ، ليه جيت؟

مكانك الخالي بقلبي كان ماضي ثم باح

كلمات

محمد ناصر العليان

((لايغرك))

((لايغرك))

لايغرك البرود فبـ بعض أوقاتي
والمسامَح لو على كل الذي فات

هو سكوتي حالة لتجميع قدراتي
وبذكاي استنتج واطرح خيارات

كل فكري من يقيني في إجاباتي
والفكر ماهو كثر حكي وخيالات

علم مستوطن ومن أول بداياتي
ماهوذاك العلم خبرة بالعلاقات

فطنة و ربّي وهبها لي وفي ذاتي
ميزة بقلبي ومن ربّ السماوات

ساسي الإخلاص هي قوّة لخطواتي
والكمال اخلاص مع نفسي وبالذات

الأمانة عهد لو كانت على وفاتي
حِمل اصعب لي من جبالن ثقيلات

وان تعبت من البشر ابدا مناجاتي
هي مع الله كلها دروبي سهالات



كلماتي
محمد ناصر عليّان

الحسّاس

أنا صفحة من كتابي - واسمه بوح من حسّاس
انا يتعبني الإحساس - بس ماهوب أي احساس

تذوبني بأنغام الهوى - و تترجم النبراس
تبعثر لي شتاتي ثم - تلملمني بصدر خراس

وانا فيني ترا حب ودلع - وبعطف وتغطراس
دوا عذب وترا نادر - تدور له بكل الناس

وانا كلي مشاعر والألم - انثره بالكرّاس
واحفظ قيمة العشق و - دروب الود ماتنداس

وياما قد بنيتلهم ذهب - في قلبي وألماس
وهم قد شربوني من - مرارة حبهم ف الكاس

وهذا حال هالدنيا - معانا عاكس وعوكاس
ومهما قد زرعت ابهم - بتضرب خمس في اسداس

انا عاشق وصرت بعشقي - المجنون في اهواس
ترا قلوب الزمن تحسب - يجاب الحب في اكياس

وهذا الحب احساس - وترا يجري بكل احواس
وياما تخنق العبرة - وتكتم بالصدر انفاس

واحذر من دروب الحب - لاجتك بورق قرطاس
ولاتامن حبيبن لو - يحب بقدر و بمقياس

ترا اصل الهوى والحب - سرعة دقها الأجراس
لاخوفن يوقفها - ولو في بابها حرّاس

وهذي هي حياة الحب - قد لخصتها في ساس
وانا دوّنتها لين البشر - سمّوني الحساس



كلماتي

محمد ناصر عليّان

كلها أيام

كلها أيام و بترجع تدوّر للحبيب
القدر ماجا قبل يومه ويسبق ساعته

حب يمكن ينتهي من قبل مايبدا المغيب
والهوا ماعاد له طيفن يزور بنسمته

شف شعور الشوق في قلبي وماعاده صويب
دام نوب القلب ماعاده يصوّب صوبته

وش لي بذاك الهوا كلما أجي كني غريب
دام احساسك بكم قبلي نزيل وخانته

القلوب بهالزمن منزوع منها كل طيب
وينها ذيك القلوب الي مثيل مرايته 

الوفا عند البشر في هالزمن حظ ونصيب
الوفي يبقى ولو باع الحياة وباعته

ياشقا الي قد تولّع في لظا قلبه لهيب
صار بالصدر يتوجّع ثم يصالي كيّته

نعمة الحب الذي كلن عليها جا يعيب
عيب للي مادرا فيها سبايب راحته

لاتعيد ولاتزيد جروحنا لازم تطيب
واحذر الي في النهاية ناوي بمحّايته


محمد ناصر العليان

يا قلب قل لي

ياقلب قل لي كم بهالدنيا وانا ضايع حزين 
متعومس بصدري من الي بي من الضيق الاليم

عايش انا مابين حاضر لي وماضي طيبّين
أحاول اخفي كل عبراتي مثل طفلٍ يتيم

وظروفنا في هالزمن لا مالها ظهرن متين
هي علمتني بالمئاسي لين صرت ابها فهيم

حتى طريقك يالأمان ومابها دربن أمين
ياكثر ماشفت بعيوني ظالم وذاك الظِليم

شفت الهروب من الحقيقة حيلة المتحايلين
خافو من الاوراق والاحكام واللوم العظيم

وهمّهم دنيا وعيشة ناس فيها مترفين
لا مادرو ان الذمم في ثقلها الحمِل العقيم

هي عند ربي في حسابه شي لا ما يستهين
بالاخرة قد قالها ربي لهم نار وحميم


كلماتي
محمد ناصر العليان

تذكريني

تذكريني ثم تجيني من بعد شوق وحنين

مالقيتي قلب يشبه قلبي بحبه عظيم

تسأليني في غيابك هو أنا فعلا حزين ؟

بانتظارك كنت انا نسمة سحاب وظل غيم

من تركتيني بليّا اسباب ولاعلمٍ يقين

طوّل غيابك وصار الجرح في قلبي أليم

لاتقولين وتجين , تحاولين  , تبررين 

قد محيتك وانتهت ذكراك و الحب القديم

لاتعيدين الحكي باشواقنا وانك تبين

ماتبين ولو تبيني ماتركتيني أهيم

الجروح دروس واقسى درس درس الغايبين

من دروسك مابقى قلبي على الدنيا غشيم

كلماتي

محمد ناصر عليان

أوراق محروقة

خذني على لحن في ذكراك معزوفة

يرسخ بها قلب هاوي لجل معشوقة

لاتاخذ القلب عشق روح ملهوفة

لا مر وقت الشعور شلون باذوقه

حكي العشق هي وسيلة كذب معروفة

بالوهم نال الذي يبغيه من شوقه

تمثيل بقلوب , والأدوار موصوفة

اخراج جاوز به الأفلام ويفوقه

والصورة الي تجي لك دوم مكشوفه

اوراق لكن ترا اوراق محروقة

لاتامنه لو رمى في عشقه حلوفه

ياكثر ماشفت حولي قلوب مسروقه

خلك على لحن من عازف له طيوفه

يترجم الي على الخاطر ومنطوقه

كلماتي

محمد ناصر العليان

خانقتني العبرة

(( خانقتني العبرة ))

خانقتني العبرة بصدري ولدري كيف ابكي

قمت اودعكم واخفي دمعتن تجري بخدّي

لو بودّي ما تقفيتوني و أنا المهبّي

من بعد فرقاكم وعيّا عليّ وقتي يعدّي

راس مالي, عمري. وكل الدوا. انتو وطبّي

وان بكيت ابكي ولحدن في رثا حالي يهدّي

ياهلي ياعزوتي يا بسمتي يا كل فرحي

ياحزامي لا التوا فيني الزمان المستجدّي

الوفا يابوي وينه والأمان الي فقدته

وامي وذاك الحنان وطيبتن من قلب وردي

وجدتي بيت السعادة والسرور الي احتوانا

كلهم , بغيابهم , حسيّتها دنياي ضدّي

سمّح الله الدروب الي على الفرقا لوتنا

وردّك الله يالذي غايب وفي لقياك سعدي

كلماتي

محمد ناصر العليان

آه ياقلبي

آه ياقلبي على دنياي ، مافيها وضوح

دايم تعيش الحياة ، شاقي بكل الجراح

الوفا من أندر العملات لكنه يروح

والكذب بعد الخيانة شي مسموح ومباح

القلوب الصافية بكل طيبتها تبوح

ماتموت الابساحات الشعور المستباح

وينها الرحمة كتابن صاب عنوانه نزوح

لاهو الي يتعب من الناس ولاهو استراح

مادروا انه دوا من ربنا لكل الجروح

قد كتبها ربنا واوصى بها لجل النجاح

قلت انا اواه من كسر الخواطر لو تلوح

كنه الطير العمى لاصار مكسور الجناح

راحت ايام المسامح صاحب القلب السموح

من زمن اجدادنا راوين بالطيب القداح

يازمان الأولين وذكرهم دايم يفوح

في العطا ابوابهم مفتوحة بكل انشراح

كلماتي

محمد ناصر العليان

أنا أحتاجك

انا احتاجك بكثر الذي تتصوره بيكون

انا غيمة سما من بعدك اتعلّت بكل هيام

وانا في غيبتك ماعاد شفت ان الزمن مأمون

اعيش بدنيتي ضايع ومتحطم من الأحلام

فقدت الشوق واللهفة وحب بخاطري مجنون

عساها تعود ايام العشق لو عادت الأيام

ولو قالو عن الحب الحكايا كلها بـ تهون

زمان اول تراالمعشوق يكتبها قبل لاينام

وحب المصلحة والمال ماهو حب عالقانون

يبادلك الوفا , يهتم , لكن اهتمام اوهام

وهذا هو قصيدي بكتبه متوازن وملحون

اجر بصوتي القلطة واجر بداخلي آلام

ترا اوجاع هالدنيا فراق الخِل والطاعون

وباقي مايصير بدنيتك من لوعة الأرحام

ترا مايعوض غيابك ولاواحد بهذا الكون

ومافي شي بالدنيا يسمونه غيابن تام

كلماتي 

محمد ناصر العليان

[وينك ]

[وينك ]

وينك أدورك في روحي وفي عيني
كلما اقول ابتعد .. عينك تناديني

دمعاتي الي على الخدّين مذروفة
كني على الجفن ابكيها وتواسيني

الشوق واللهفة الي مادريت بها 
تقول هو ياترى وشلون ناسيني

ماعاد شوقن يجيبك لا ولاحاجة
حتى الغلا قلت بيذكّرك واتجيني

القلب لا من تعدّا عامه الأول
بيشوف نبضات غيرك في شراييني

حظ المحبيّن دايم ما يوافقهم
وانا معك حظي بأوله يشقيني

كنت اسهرك ليل مارفّت به جفوني
وانت بلذيذ المنام مكحّل العيني

لا الليل ليلي ولا ضو القمر نوره

الحظ مات واحلى عمري وسنيني

كلماتي

محمد ناصر العليان

لا تستغرب

لاتستغرب وتسأل عن غيابي اذا ما طال 

انا اتعبني تبريرك  وهجرانك وأسئلتك

تراه الصدق بالأفعال ماهو صدق بالأقوال

واناحاولت الاقي عذر لاجيتك وحصلتك

انا ماعاد فيني صبر للأحمال والأثقال

كثر ماشفت منك شي اوجعني وتحمّلتك 

أنا ملّيت أزرع بالأمل واثر الليالي طوال

سقيتك من شراييني وشفني وين وصّلتك

دروبي في الأمل فاقت بعتمة ليلنا أهوال

تعيد الأمس وايامه ، تذكّرني بمقدرتك

وانا ماعاد فيني حيل للأحلام والآمال

لجل ماقول في قصة هوانا يوم جاملتك

أغيب واختفي عنك اذا حسيت بالإذلال

انا ماجيت ادور عطفك ورحمة معاشرتك

ابقطع عن علاقتنا بقايا البث والإرسال

واذا شفتك بصدفة زين  لو اني تذكّرتك

محمد العليان

الناس

الناس الي تعامل الناس بسياسة

هي مصلحتهم تلمّعها وتصدّيها

هم يحسبون البشر أوراق نقدية

وبكيف أرباحها الرِفقة تودّيها

كل ظنّهم  يخدعون الناس بأوهامٍ

أخطائها في مكاسبهم ترَدّيها

يبرّرون الأساليب بمواقفهم

حتى الخطا لا انكشف لا ما تبدّيها

هم يلبسون الصفا بأعلى مراتبها

يامَنهم الطيّب و دايم يعدّيها

هم يزرعون الوفا حتى بلا قيمة

دستورهم قد قضى فيها مباديها

في كل صبح وعشية يذكرون الله

والذِكر ماقد نهاها عن تماديها

العمر مابين روحة تاتي وجيّة

والناس في ظنّها تجمع و يمديها

مافكّروا بشرع رب الناس وحقوقه

وحقوقها الناس يمكن ما تناديها

متسابقين على دنيا الردا فيها

والاخرة كنها أصعب تحديّها

يالله لا تبتلينا بالعمى هذا

وارحم لقانا وهذي النفس اهديها

كلماتي

محمد ناصر العليان

[ماهيّض العبرات]

[ماهيّض العبرات]

نعيش ذكرانا على ماهيّض العبرات

ذكرى صغارن ما معانا شي ونحاتيه

ذكرى قلوبن صافية نقوة على نقوات

ماتعرف الدرهم ولاالدينار وتدانيه

يالله تسقينا بهالأيام واللحظات

واجبر زمانن ياكثر من فيهم انعاديه

يالله تسترنا بيوم الحشر واللومات

يوم الذي ماتاب من عصيانه اتعرّيه

ويالله كثر الي بقى يدمحلي الي فات

ويالله ترحم هالزمان الي ربينا فيه

نعيش ذكرانا كذا نحيي به الي مات

لاصار قلبك بالعنا  فيه الذي مكفّيه 

كلماتي 

محمد ناصر العليان