لاتستغرب وتسأل عن غيابي اذا ما طال
انا اتعبني تبريرك وهجرانك وأسئلتك
تراه الصدق بالأفعال ماهو صدق بالأقوال
واناحاولت الاقي عذر لاجيتك وحصلتك
انا ماعاد فيني صبر للأحمال والأثقال
كثر ماشفت منك شي اوجعني وتحمّلتك
أنا ملّيت أزرع بالأمل واثر الليالي طوال
سقيتك من شراييني وشفني وين وصّلتك
دروبي في الأمل فاقت بعتمة ليلنا أهوال
تعيد الأمس وايامه ، تذكّرني بمقدرتك
وانا ماعاد فيني حيل للأحلام والآمال
لجل ماقول في قصة هوانا يوم جاملتك
أغيب واختفي عنك اذا حسيت بالإذلال
انا ماجيت ادور عطفك ورحمة معاشرتك
ابقطع عن علاقتنا بقايا البث والإرسال
واذا شفتك بصدفة زين لو اني تذكّرتك
محمد العليان
ليست هناك تعليقات:
إرسال تعليق