- يمّه ويا يمّه -
يمه ويا يمه ، يا ريحة هلي ويا جنّتي
ياشمعتي ودنياي ، انتي نور عيني ودنيتي
بعيونها شفت بحياتي كل لحظات العمر
تسهر معاي الليل لامن ضقت وتمسح دمعتي
و بقلبها شفت السعادة ترسمه لجلي أنا
مهما احاول بالوفا .. تقصيري أكبر علتي
مهما أعيش من العمر لا ماوفيت بحقها
هي قدمت لي عمرها تقضيه بس لخدمتي
الله وصّانا بها حتى على لسان النبي
يعني ترا هذي عبادة داخلة فـ محبتي
يا جعلها طول العمر في صحة و دوم الرضا
ويا جعل عمري لجلها فدوى حياتي وصحتي
محمد العليان
ليست هناك تعليقات:
إرسال تعليق