"تجاعيد البكي"
رمشك وعينك بينهم زحمة حكي
وقلبك ترا ينبض روايات عشاق
واشوف في جفنك تجاعيد البكي
وفي نظرتك لمحة ضياع وبعد فاق
روحك تراها روح هالأم الوفي
حب وحنان وعاطفة وحيل مشتاق
وصلك بلا غيبة مثل نجم الجدي
مشفق على حضن يبي لمّة عناق
وانا ترا حضنك تعال واشتكي
وارمي على صدري جبينك بإطراق
فضفض وقول الي تبي والماتبي
واسمع بصدري دقة القلب لاراق
كلماتي
محمد ناصر العليان
ليست هناك تعليقات:
إرسال تعليق