[أنا ياصاحبي ]
أنا ياصاحبي ببقى على ذاك العهد واياك
صحيب ومن صفا قلبه لا مايطعن ومايخون
ومهما شاف بالدنيا مآسي من ظروف الناس
ترا هذي الحياة اما تجيك حروب والا فنون
مزيّن روحه بنصحه وروحه لوتبي تفداك
يدلّك في دروب الوقت والدنيا تراها متون
صحيب ومن رجال قروم ونسله يشهد بأصله
خذا تاريخ جدّانه بنا أمجادهم بحصون
كلامه ماتغيّر لو تغيّر في الذهب لونه
وتبقى كلمته تبرق , ولو يغرون مايغرون
وله طبع الوفا يشهد كل الي يعرفونه
وعشرة عمر عنده لو يطول العمر لا ماتهون
بعينه عشق مايبلى وغرام بداخله وقّاد
ترا إحساسه ومرسوم في قلبه بأجمل لون
محمد العليان
ليست هناك تعليقات:
إرسال تعليق