[ جيتك ...،]
جيتك وانا فيني من الحب لهفة
لاتحرم اللهفة ولاتكسر الشوق
جيتك ادور من شفاياك طبّه
لوعة ألم وعلاجها قالو الذوق
مانيب طامع بس ضماي وتبلّه
بلّة خقوق وخاطري بعدها يروق
تدري حنيني لابغى منك وصلة
يعني يبيك تردّ له نبض وعروق
هذي حياته أمنية كل عمره
نظرات عاشق تاهت بعين معشوق
تذكر زمن يوم التقينا بصدفة
ارواح تتلاقى بلا وعد مسبوق
لحظة لقانا صابها منك رجفة
وحارت عيون الشوق في داخل الموق
لا تبرد اشواقي أبي منك وصفة
جفت عروقي وامتلا قلبي احروق
كلمات
محمد العليان
ليست هناك تعليقات:
إرسال تعليق